Nú kveðjum við árið 2011

Ég settist niður við eldhúsborðið mitt í morgun með tebollann minn og fór að hugsa um árið sem er senn að ljúka. Þetta er búið að vera mjög viðburðaríkt ár fyrir litlu fjölskylduna mína. Hér mun ég renna yfir árið hjá okkur.

Við Ásgeir fögnuðum sambandsafmæli okkar þann 13. febrúar.

Á Þorrablóti á Bíldudal. Þarna er ég gengin um 37 vikur

Að sjálfsögðu stendur uppúr að við breyttumst úr lítilli fjölskyldu í Vísitölufjölskyldu :) þegar við Ásgeir eignuðumst annan son.

Drengurinn fæddist 6. mars í miklu snjóveðri og byl. Við mættum upp á fæðingardeild kl:14 og hann var kominn í heiminn 17.32. 17 merkur og 54 cm,
stór og sterkur VestfjarðaVíkingur.

Þann 1. maí var hann svo skírður á afmælisdegi pabba síns
og fékk hann nafnið Frosti Þór.

Frosti Þór

* Byrjaði að velta sér 3 og hálfs mánaða
* Fyrstu tennurnar mættu 25. júlí, tvær í einu :)
* Sat einn og óstuddur 5 mánaða
* Byrjaði að skríða 6 mánaða
* Byrjaði að standa upp 7 mánaða
* Byrjaði að ganga með 8 mánaða

Óliver Logi tók stoltur við nýju hlutverki sem stóri bróðir á árinu. En hann varð 4 ára 11. júlí og að þessu sinni var Spiderman þema í garðpartýinu á Grænabakka (húsið okkar á Bíldudal).

Óliver Logi

* Keppti í frjálsum íþróttum í fyrsta skipti í sumar,
á Unglingamóti HHF og Héraðsmóti HHF
* Stækkaði um heila 8 cm á þessu ári
* Byrjaði í Íþróttaskóla Harðar í október
* Byrjaði á nýjum leikskóla, Arakletti í nóvember

Við hjónin unnum til verðlauna á Héraðsmóti HHF en við komum heim með 5 gull og 1 silfur.

Við fórum í okkar árlega ferðalag í Haukadal í Dýrafirði þar sem fjölskyldan á bústað. Þar fór Frosti í fyrsta skipti í sund og þótti mjög gaman.

Við tókum þá stóru ákvörðun á árinu að kaupa okkur hús saman og flytja yfir á Patró. Við urðum þinglýstir eigendur að Strandgötu 19 þann 17. ágúst. Við fluttum í húsið 28. október, við leigjum út húsið á Bíldudal á meðan en það er einnig á söluskrá.

Þann 1. október voru réttir á Múla í sveitinni okkar og það er alltaf jafn skemmtilegt. Margir voru mættir í sveitina til að hjálpa til.

Í haust byrjaði ég með þyngdaráskoranir sem kallast 6 í shape og er á vegum Herbalife. Fyrsta námskeiðið var haldið á Bíldudal í ágúst og þar tóku 10 konur þátt. Alls losuðu við okkur við 21. kg og 139 cm. Seinna námskeiðið var haldið á Patró og þar tóku 11 konur þátt. Á því námskeiði losuðum við okkur við 30,3 kg og 136 cm. Persónulega tók ég af mér 8,8 kg og 44,5 cm á báðum námskeiðum samanlagt.
Kærkomin kveðja fyrir þau kíló eftir barnsburðinn.

Í ágúst fór ég í afleysingastarf í umsjónarkennslu við Grunnskólann á Bíldudal. Þar var ég að kenna krökkum í 1.-4. bekk. Ég var að kenna fram í miðjan nóvember. Þá tók við að koma húsinu í þokkalegt stand fyrir Jólahátíðina. Það gekk að mestu eftir sem hægt var og voru jólin alveg yndisleg. Á aðfangadag vorum við 4 saman í Króknum og áttum yndislega fjölskyldustund. Á jóladag fórum við til foreldra minna á Bíldudal og á 2. í jólum fórum við til tengdó í sveitina.

Núna einbeitir fjölskyldan sér að því að koma sér vel fyrir í nýja húsinu sínu og stefnan er sett á að byrja endurbætur í janúar á nýja árinu.

Við viljum nota tækifærið og þakka öllum sem hafa hjálpað okkur á árinu. Takk fyrir að allar gjafir sem hafa borist vegna fæðingu og skírnar Frosta Þórs. Takk fyrir þær heimsóknir sem við höfum fengið og þá velvild sem við fundum fyrir þegar við fluttum í Krókinn. En fyrst og fremst takk kæru vinir og fjölskylda fyrir að vera til. Án ykkar væri lífið tómlegra. Sjáumst sem fyrst á nýju ári.

Bestu nýárskveðjur til ykkar allra.
Fjölskyldan í Króknum

Núna ætla ég að sýna ykkur aðeins inn í svefnherbergi. Við eigum eftir að fá ný svefnherbergishúsgögn þannig að þetta á eftir að taka miklum breytingum ennþá. En það er samt orðið þokkalega kósí. Svona leit herbergið út fyrir:

Eftir málningu og smá fíníseríngu þá lítur herbergið svona út:

Hlakka svo til að fá nýju húsgögnin mín en þangað til sofum við ljúft í þessu :)

Nýji kósísófinn okkar...

.... er mættur á svæðið. Þvílíkur munur að eiga loksins alvöru kúrusófa. Þessa elsku fengum við í Ego Dekor og vil ég þakka góða og skjóta þjónustu. Við erum þegar nú þegar búin að eiga nokkrar góðar fjölskyldustundir í honum. En ég ætla að setja inn nokkrar fyrir myndir líka þó svo að engin herbergi eru fullkláruð enn. En þetta eru allavega before/in progress myndir ;)

Það munaði strax miklu við smá slettu af málningu ;) svo lúkkar sófinn vel þarna inni. Enn á eftir að setja upp einn vegg og leggja gólfefni en ég er eitthvað byrjuð að hengja upp myndir.

Hérna er fallega fjölskyldan mín :)

Þetta er allavega orðið þokkalega kósi en ég hlakka mikið til að geta klárað þetta ásamt ÖLLUM öðrum herbergjum í húsinu :D en það kemur....

Gleðilega Jólahátíð

Nú er aðfangadagur genginn í garð og ég ætla að nota tækifærið og óska öllum gleðilegra jóla og vona að allir eigi yndislegan tíma framundan í faðmi fjölskyldunnar. Það er að verða jólalegt hjá okkur í Króknum og hér ríkir mikil eftirvænting.

Lífið er yndislegt !!

Stofan mín...

.... er alltaf að breytast. Fyrst ætlaði ég ekki að mála strax þar sem það átti að fara í breytingar fyrir jól. I know, ég er MJÖG bjartsýn :D en þegar við sáum fram á að það myndi frestast fram í janúar þá ákvað húsfreyjan að mála, ekki hefur maður þetta svona á sjálfum jólunum. En svona leit stofan út þegar við fórum að skoða það upprunalega. Húsið var nýtt sem gistiheimili áður en við keyptum.

Svo varð það tómt ;)

Þá fluttum við inn og ég fór beint í að sparsla veggina, óþolinmóða ég :D

Síðan var málað.... þvílíkur munur

Þá komst ég í hamarinn og naglann og hengi upp myndir, svo að endurraða... og á örugglega eftir að endurraða OFT ;) ef ég þekki mig rétt. Enda er helmingurinn af "skrautinu" mínu ennþá ofan í kössum.

Sjónvarpssófinn er á leiðinni til að okkar og þá færist sjónvarpið inní sjónvarpsholið og þessir bláu stólar sem ég fékk by the way ókeypis af barnalandi fá vonandi bráðum nýtt áklæði ;)

Uppáhalds jólasveinarnir mínir sem ég fékk í skóinn þegar ég var lítil :) Held svo mikið uppá þessa

2 postulínshlutir sem ég málaði fyrir einhver jólin