Nýju kökudiskarnir mínir...

.... sem kostuðu heilar 250 kr hvor um sig. Ekki slæmt það :) Ég rakst s.s. á þessa sætu diska í Góða Hirðinum og fannst þeir eitthvað svo krúttaðir. Þannig að ég ákvað að finna mér flott glös til að hafa sem fætur.

Þessi glös gefa þann skemmtilegan möguleika að geta sett mismunadi skraut inn í glösin. Fallegt að setja t.d. blóm, fígúrur ef það er barnaafmæli eða hvað sem manni dettur í hug.

Límdi þá með sterku lími sem ég fékk á 300kr í DOMTI, virkaði bara mjög vel.

Svo var bara að máta kökur á þá ;)

Þær voru hrikalega ljúffengar líka :P

Kransinn....

...ég fer að verða nokkuð sátt með hann núna held ég. Svona leit hann út í morgun, set þarna mynd sem ég tók af bollakökunum sem ég bakaði fyrir Jólagleðina á Veitingahúsinu Vegamótum á Bíldudal sem foreldrar mínir reka, en ég hef staðið fyrir þessari Jólagleði á aðventunni í nokkur ár og það er alltaf jafn hátíðlegt og skemmtilegt. En það er nú önnur saga eins og þessir kökudiskar, það kemur í næsta pósti ;)

Þegar ég kom heim eftir jólagleðina þá fór ég aðeins að kíkja betur á kransinn og bætti smá gullblingi og hreindýri sem ég keypti í RL minnir mig. Hefði komið betur út í gylltu eða að hafa kertin hvít en ég var svosum ekkert með kransinn í huga þegar ég keypti hreindýrið og man hreinlega ekki eftir því hvort það voru aðrir litir, þó mig minni það. Mér fannst það bara eitthvað svo flott og ég er líka eitthvað voðalega rauð núna þessi jólin :)

Frekar kósí að sitja við stofuborðið núna :)

Ákvað líka að vera ekkert að bíða með þessar seríur mikið lengur, þeir fara varla í það að skipta um gluggana fyrir jól. En þá bara tek ég þær niður ;)

Gleðilega aðventu öllsömul

Aðventan

Nú er familían búin að vera í langri Reykjavíkurferð þar sem við náðum að klára jólainnkaupin að mestu. Auk þess sem við nýttum ferðina í tannlækningar og svoleiðis vesen ;) Einnig kom ég kallinum á óvart og bauð honum á jólahlaðborð á Skólabrú. Yndislegur matur og kvöldið bara fullkomið. Alltaf gaman að fara á stefnumót.

Fréttir af húsinu.
Enn er lítið búið að gerast, það er einhver töf á gámnum sem er væntanlegur til okkar með öllu dótinu. Þannig að þetta verður því miður ekki til fyrir jól en það á víst að byrja á einhverju núna í byrjun desember. Helst myndi ég vilja að það yrði byrjað á eldhúsinu en ég fæ vonandi að vita fljótlega hverju verður hægt að byrja á.

Ég byrjaði aðeins á að útbúa aðventukransinn, hann er ekki fullgerður en þó komin smá mynd á hann. Ég keypti kerti í RL vöruhúsi og nota svo flotta háa kökudiskinn minn. Skreytti svo með greinum og setti útskorið jólatré sem við keyptum í Kringlunni af ungum herramönnum sem voru að selja vörur frá Ásgarði. Hrikalega flott allt saman hjá þeim.

Ég myndi samt helst vilja sjá kransinn í betra umhverfi eins og nýja eldhúsinu mínu, það er að verða frekar þreytt að vera með ómálaða og sparslaða veggi í kringum sig. En þetta kemur allt á endanum, er þaggi???

Feðradagurinn

Nú er feðradagurinn nýafstaðinn og strákarnir mínir gáfu pabba sínum rosalega sætt kort og máluðu mynd sem þeir færðu honum í rúmið. Pabbinn var voðalega hrifinn af þessu, ekki amalegt að vakna við knús frá strákunum sínum í morgunsárið.

Krúttlega kortið

Flotta myndin

Finnst ykkur þetta ekki krúttleg gjöf?

Biðstaða...

.... nú er fjölskyldan flutt inn í Krókinn. Við erum að vinna í efri hæðinni en neðri hæðin bíður bara eftir verktökum sem koma vonandi fljótlega upp úr miðjum mánuðinum. Þannig að við tókum bara upp það nauðsynlegasta, smá kertaljós og fínerí til þess að lýsa upp skammdegið. En okkur líður alveg rosalega vel hérna og það er mjög góður andi í þessu húsi. Það er mjög heimilislegt og húsfreyjan bíður bara spennt eftir að allt verði tilbúið ;) i know.... fr. óþolinmóð !!

En svona lítur þetta út núna svona í biðstöðunni..... ómálaðir en sparslaðir veggir og flottheit ;) en við erum allavega með þak yfir höfuðið.

Matjurtirnar komnar út í glugga í eldhúsinu

DIY spegillinn minn sjá hér

Borðstofusettið bíður eftir breytingu

Bíð spennt eftir að fíra upp í þessari

Þemavinna í grunnskólanum

Mig langaði til að sýna ykkur það sem nemendurnir mínir eru að gera í skólanum en það voru þemadagar fyrir stuttu hjá okkur og við tókum fyrir landið Ástralíu. Úr varð rosalega flott og mikið verkefni hjá þeim. Ég læt myndirnar tala....

Kóralrifið mikla

Allir gerðu sæta kóalabirni og kengúrur úr klósettpappírsrúllum

Flottar slöngur

Boomerang

Kort af Ástralíu

Að lokum eru listamennirnir sjálfir hér með frumbyggjagrímur