Another 5 min DIY....

..... from the same pair of pants ;) Fyrir þá sem ekki muna eða sáu þann póst þá vantaði mig húfu á 5 ára strákinn minn í vetur og bjó þá til þessa fínu hermanna húfu úr gömlum buxum af sjálfri mér. Sjá póst hér

Nú kom önnur hugdetta þegar ég var að pakka niður fyrir stóra strákinn minn sem er að fara í ferðalag. Hann á þessa fínu litlu spjaldtölvu sem hann fékk frá ömmu sinni en hún er ekki í neinni tösku. Þá fór ég að hugsa hvort ég ætti ekki bara að sauma eitthvað utan um hana til að verja hana betur. Rakst þá á buxurnar (kemur sér vel að geyma ;) og aftan á buxunum var vasi þar sem spjaldtölvan passaði bara akkurat ofaní.

Hey !!! I got an idea.

Þetta tók ekki nema 5 mínutur. Klippti vasann frá og aðeins hærra upp til þess að geta lokað. Saumaði upp hliðarnar að ofan og setti smá teygju til þess að smeygja yfir töluna sem NOTA BENE var á buxunum. Ekkert vesen, bara komin þessi fína taska. Langar samt að setja fallegt skáband utanum en á ekkert til í augnablikinu. Væri töff að setja í þessum skær-appelsínugula lit, hafiði þið séð svoleiðis skábönd einhvers staðar?

Óliver minn var alveg hæstánægður með þetta framtak móður sinnar :)

Er það ekki það sem skiptir höfuðmáli?

Knús

Birna

Hvað er að frétta með mig eiginlega....

..... það er komið á 8 viku síðan ég bloggaði seinast !! Greinilega mikið að gera hjá húsfrúnni þessa dagana. En það er bara akkurat þannig, ég hef lítið verið að bralla annað en að sinna heimilinu, börnunum og baka sykurmassakökur. Það er sko nóg að gera í þeim bransa en það er líka bara æðislega gaman.

Ég ákvað þvi bara að sýna ykkur nokkrar kökur sem ég hef verið að gera nýlega.

Mér finnst svo gaman að gera þessar mismunandi útfærslur af kökum og gera eitthvað nýtt og spennandi. 

Ég reyni helst að hafa enga köku eins.

Kökuknús ;)

Birna

DIY gröfufánar á bollakökur

Í dag 6. mars á elsku drengurinn minn hann Frosti Þór 2 ára afmæli.

Hann færir foreldrum sínum mikla gleði á hverjum degi með grallaralega brosinu sínu.

Frosti fór í tilefni dagsins með gröfubollakökur á leikskólann til að færa börnunum á deildinni sinni.

Alveg heillaður af gröfuskrautinu sem er meðal annars tilefni þessa pósts. Ég var mikið að hugsa um það um daginn hvernig ég ætti að skreyta kökurnar. Vildi setja einhvað tengt gröfum/vinnuvélum og ég komst ekki í það að búa til úr sykurmassa. Þá ákvað ég að búa til þessa gröfufána, tók mjög lítinn tíma og er mjög einfalt.

Byrjaði á því að googla construction cartoon minnir mig og fann þar þessa mynd:

Þannig að ég bara prentaði hana út í þeirri stærð sem ég vildi. Klippti út þannig að það var sami bíllinn á einum miða, s.s. langsum. Síðan tók ég tannstöngla og límstifti, setti lím á miðana, tannstöngulinn í miðjuna og lokaði fyrir. Reddý !!! Einfalt ekki satt???

Knús

Birna

Frosti Þór 2 ára

Það var mikil gleði hjá okkur í Króknum í gær því við héldum uppá 2ja ára afmæli

Frosta Þórs en hann á afmæli 6. mars.

Í ár var ákveðið að hafa vinnuvélaþema þar sem litli gaurinn minn er algjör bílakall. Herbergið hans (sjá nánar hér) er allt fullt af vinnuvélum og traktorum, það var því vel við hæfi að velja þetta þema.

Mamman fór strax í hugmyndavinnu í sambandi við kökuna en ég legg alltaf mikið uppúr þeim. 

Ég byrja alltaf á því að googla og skoða hugmyndir, síðan sýð ég eitthvað saman úr því, breyti og bæti.

Þetta var svo útkoman:

Þið getið rétt ímyndað ykkur hvað drengurinn var sáttur við þetta.... sagði bara: "nau nau nau"

Arinhillan fékk skreytingu í tilefni dagsins og fékk mömmuskrautið að fjúka fyrir tryllitækjunum að þessu sinni.

Fánalengjuna bjó ég til kvöldið áður og tók enga stund.

Byrjaði á að klippa út mót af fána, fann síðan þennan fína pappír úr Söstrene sem ég hafði keypt fyrir einhverju síðan. Klippti út fánana, prentaði út stafina í Word, klippti og límdi á.

Síðan fann ég langt leðurband og límdi fánana á með því að brjóta aðeins upp kantinn á fánunum og klippa til.

Þetta kom bara rosalega vel út og allir sáttir, sérstaklega mamman ;)

Borðið sem krakkarnir sátu við er gamalt borð sem ég útbjó fyrir Óliver elsta strákinn minn þegar hann var 2 ára. Hann á afmæli í júlí og ég held alltaf garðpartý fyrir hann en mig vantaði á þessum tíma eitthvað borð fyrir krakkana til að sitja við í garðinum. Ég átti gamalt eldhúsborð sem ég var ekkert að nota og ákvað að saga bara borðfæturnar og minnka niður svo þau gætu setið á grasinu í kringum borðið.
Þetta borð hefur síðan þá nýst vel í afmælin síðan þá.

Blöðrurnar hengdi ég uppí loft fyrir ofan borðið hjá krökkunum. 

Fannst það koma mjög vel út, einföld en skemmtileg skreyting.

Snakkið var borið fram í vörubíl og svo voru kökupinnar á borðinu líka, átti við miður engar skemmtilegar fötur til að setja þá í en ég þarf greinilega að fara að kaupa mér meira dót, ekki leiðinlegt það.

Ég hef aldrei áður prófað að gera þessa kökupinna en þeir voru svakalega vinsælir og mikið sport að prófa.

Við innganginn voru líka hengdar blöðrur upp í loftið. 

Hér eru bræðurnir að stilla sér upp með fallegu englabrosin sín.

Eftir að búið var að ganga frá þá var mikið sport að hlaupa um og hoppa og slá i blöðrurnar.

Eins og sjá má þá heppnaðist þetta 2 ára vinnuvéla afmæli alveg stórkostlega vel 

og drengurinn sáttur. Það er jú fyrir öllu :)

Vona að helgin hafi verið notaleg hjá ykkur.

Knús 

Birna

5 min DIY

Elsta stráknum mínum vantaði sárlega húfu á leikskólann og þar sem það er engin búð í nágrenninu sem selur fatnað þá skellti húsmóðirin bara í stutt DIY..... nánar tiltekið heilar 5 mínutur.

Ég byrjaði á því að finna efni aka. gamlar buxur af mér sem ég ætlaði alltaf að gera eitthvað úr.
Vildi meira að segja svo skemmtilega til að ég gat notað endann á skálminni eins og hún var, sneið svo bara rest eftir annari húfu og saumaði fyrir sárið.

VOILA !!

Nú er húfumálunum reddað :)

Sykurmassafjör part 2....

.... þar sem ég hef svo gífurlegan áhuga á bakstri og sykurmassa þá fór ég að taka að mér að baka fyrir  vini og vandamenn. Skírnarveislur, afmælisveislur og fermingarveislur. Það er bara gaman :) 

Maður verður klárari og klárari í þessu sykurmassaæði eftir því sem maður gerir fleiri kökur. 

Fær meira sjálfstraust og svona.

Mér finnst þetta ÆÐI !!!

Ég reyni að hafa hverja köku einstaka og enga alveg eins.

Það er það sem er svo skemmtilegt við sykurmassann. 

Maður getur gert hvað sem er, bara vinna úr frá þema og hafa nógu mikið hugmyndaflug.

Eigið góðan laugardag

Knús Birna